Algemeen
Het Nedersaksisch Historie Vrijwilligers Spelling
Bestuur Agenda Bodbreef Helpen onthoolden Activiteiten Kiekt hier ok es Boeken Archief Kameröa van 'n Kreenk Lid worden?

Spelling Twents

DE SPELLING VAN HET TWENTS [heel in het kort]

1. De oetgänge van ’n woord wördt meesttieds gewoon voloet speld met -en:

Kokken (koken), roepen (rupsen), ropen (roepen), vearken. Mer doarnöast ok: smeicheln, jodeln. En: schrievn, leavn. (Zie Kreenkspelling 2021- concept).

2. Wiej schrieft: oa woar dat möt: proaten, woar, poal, kammeroad, soldoat, droad (vergelijk Engels: board).

3. n Biejzundern eu-achtigen klaank (Frans: œuvre) schrief wiej as öa: möalke, kammeröadke, dröadke, nöalerd.

4. De lange scherpe e (è) schrief wiej as ea: klean, wean, reagen, stea. (Frans: misère).

5. De korte eu-klaank is in et Twents de ö: hee löp, döl, kökken.

6. De Nederlands oe is in et Twents meesttieds nen oo-klaank, dan schrief wiej oo: koo, hoo, too, gedoo. Ok in de samenstellingen: koomelk, hoodöanig, toometten. De lange kleenkerklaanken wördt wieders anpakt zo-as in et Hollaands: moo – moder, meer – meren.

7. Lidweure schrief wiej zoa: ’n keerl, de vrouw, et keend. Nen keerl, ne vrouw, ’n keend.

8. Samentrekkingen, veural tuske wearkweure en persoonlijke veurnaamweure, wördt met apostrophe angeavven: he’k (heb ik), doo’j (door iej), goa’w (goa wie). Ok met beveurbeeld ’n voegwoord: a’w dat doot (as wiej dat doot). Mangs is et better um et voloet te schrieven.

NB: Ealk biejzunder dialect in Twente kan verdan met dizze spelling, want de keark, kaark, karke, koarke, kaaike blif in’t midden. Ealk hoes höld ere eagen veurdeur, vuurduur, vuurdeur of veurduur.