Taalpries
“Oaver ne wekke is ’t zo wied, dan krig Johanna ter Steege op 14 november 2024, ’s oamnds um 19.30 uur de Twentse Taalpries oetreikt in ’t stadhoes in Old’nzel.He’j oe ok a anmeald biej ’n secretaris van’ Kreenk? Dat mos vuur 1 november, mar misschien is der nog nen stool vriej. Ie’j könt et aait preberen en mailen noar: alievanderveer.43@gmail.com.”
De Twentse Taalpries 2024 geet noar Johanna ter Steege. Volgens de jury, oonder vuurzitterschap van de Oldenzaalse burgemeister Patrick Welman, hef de in Notter geboren actrice zich in de ofgelopen joaren ontwikkeld tot ne opvallende ambassadeur van de Twentse taal. Zo was zee anjager van de succesvolle theaterproducties ‘Hanna van Hendrik’ en ‘De vergetten Twentse lente’. Johanna spöllen met Herman Finkers de hoofdrol in ‘De Beentjes van Sint Hildegard’ en was ok heel nauw betrökken biej de historische documentaire ‘Zo doot wiejleu dat’.De jury, waarin ok Thea Kroese, Joop Weber, Gerrit Dannenberg en Gerard Lage Venterink zitting harren, leg de keuze vuur Johanna ter Steege als volgt oet: “Met ear weark zoargt zee dat et Twents tot wied boeten de regio as ne moderne en oaveral te gebruiken taal wördt beschouwd.” In 2022 kreeg Ter Steege de Johanna van Buren Cultuurprijs vuur et oetdreagen van de Nedersaksische taal en cultuur.Verdeensten vuur de ‘moodersproake’De Twentse Taalpries wördt seend 2001 um de paar joar tookeand an ne persoon of instelling dee van grote betaansi was vuur de ‘moodersproake’. Eerder gung dee pries oonder meer noar Anne van der Meiden, Herman Finkers en revuegezelschap Boer’n Leu. Winnares van de Twentse Taalpries in 2022, Thea Kroese, was dit moal lid van de jury. Johanna ter Steege krig De Taalpries 2024 op doonderdag 14 november in het stadhoes van Old’nzel oetreikt duur burgemeister Sander Schelberg van Hengel.Feestelijken oamndDe Twentse taal steet op dizzen feestelijken oamnd centraal met optredens van o.a. Fenne en Imke Toenink, beide winnaars van et Twents Songfestival in Oatmösche. Ok de Oldenzaalse stadsdichter Geert Christenhusz en verhalenvertelster Thea Kroese doot met. Iedereen dee zich verbeunden veult met de Twentse taal is welkom biej de priesoetreiking en iej könt der vuur niks in. Vuurof anmelden is verplicht. Dat kan tot 1 november per mail via alievanderveer.43@gmail.com. Doarnoa kriej ne bevestiging wierum op de mail.
Twentse Taalpries 2022
Wiej bunt der greuts op dat ‘oonze Thea’ de Twentse Taalpries krig anböden duur Patrick Welman, burgemeister van Oldn’zel.
De anmoedegingspries geet noar Femke Nijboer, ass.professor faculteit Onderwijswetenschappen van ’n Universiteit Twente.
Tweejoarlijkse veendt de tookenning plaats van de Twentse Taalpries an leu of instellingen, wel’t zich drok maakt veur de Twentse sproak.
Vanof 2007 wörden der ok nen anmoedigingspries oetreikt an leu of instellingen wel’t, benaamd jonge leu, anspoart um gebroek te maken van ‘t Twents dialect, mear die pries is in 2018 wier of-eschaft.
2001: André Hottenhuis
2003: Herman Finkers
2005: Anne van der Meiden
2007: Revuegezelschop Boer’n Leu
Anmoedigingspries: Gerrit Dannenberg
2009: Gerard Vaanholt
Anmoedigingspries: Jan Riesewijk
2011: Goaitsen van der Vliet
Anmoedigingspries: Martin ter Denge
2014 – taalpries: Jan Swennenhuis
Anmoedigingspries: Marieke Dannenberg
2018: Gerrit Kraa
2022: taalpries: Thea Kroeze
Anmoedigingspries: Femke Nijboer
