Taalpries
Twentse Taalpries 2022
Wiej neugt oeleu geern oet dizzen mooien Twentsen oamnd met te maken op vriejdag 20 mei a.s. um 20.00 uur in het Kulturhus te Boorn. Vanof 19.00 uur kö’j oe’n kaartje kopen vuur € 10,- en vust ne komme koffie dreenken, den oe doar an wördt böden.
Noa de opening duur Joop Weber neamp Adrie Hemmink van ’t Twentehoes’t stökske oaver en zoargt dat alns noar weans löp. Alwie Kroeze zeengt den oamd mooie Twentse leedjes en Paul Wiefferink döt de gemeudelijke kuieriej op ziene bekeande wieze.
Den oamnd ma’j beslist nich missen!
Parkeren köj vuur niks in Boorn biej ’t Kulturhus, Marktstroat 23, of in de grote parkeergarage ‘De Bijenkorf’.
Goodgoan en hoppelijk tot 20 mei in Boorn
Kreek vuur de Twentse Sproak , Twentaal en Twentehoes.
Tweejoarlijkse veendt de tookenning plaats van de Twentse Taalpries an leu of instellingen, wel’t zich drok maakt veur de Twentse sproak.
Vanof 2007 wörden der ok nen anmoedigingspries oetreikt an leu of instellingen wel’t, benaamd jonge leu, anspoart um gebroek te maken van ‘t Twents dialect, mear die pries is in 2018 wier of-eschaft.
2001: André Hottenhuis
2003: Herman Finkers
2005: Anne van der Meiden
2007: Revuegezelschop Boer’n Leu
Anmoedigingspries: Gerrit Dannenberg
2009: Gerard Vaanholt
Anmoedigingspries: Jan Riesewijk
2011: Goaitsen van der Vliet
Anmoedigingspries: Martin ter Denge
2014 – taalpries: Jan Swennenhuis
Anmoedigingspries: Marieke Dannenberg
2018: Gerrit Kraa
---------------
Oetreiking Twentse Taalpries 2018
Gerrit Kraa hef in 2018 de Twentse Taalpries ontvangen oet haanden van juryvuurzitter Rob Welten, burgemeester van Boorn. Dit alns gebeurden in ’t Kultuurhus in Boorn op 28 september 2018. Welten zölf sprekt ‘t Limburgs dialect en benoadrukken dat streektaal van groot belang is vuur de eagen cultuur en biejdreg an de identiteit. Gerrit Kraa was in de tied van ’t van Deinse instituut oonze eerste streektaalconsulent en hef zich onmeundig inzat vuur ’t Twents.
Hee schrif columns en (keender)beuke in en oaver Twente, gif lezingen en cursussen en is ’n bedeanker van Jipken en Jannöaken in ’t Twents.
Umdat hee eerder joaren in de organisatie zat van de Taalpries, keek hee doar zölf aait achter daal, dus wörden ’t noe de hoogste tied um zölf die pries te kriegen den hee heel dik hef verdeend!
Biej ’t votgoan den oavend kregen de leu ’t beukske met oaver de Hunenborg, een oald romantisch verhaal van Jacob van Lennep dat duur Gerrit Kraa in ’t Twents is vertaald.
